Shkencëtarët britanikë po punojnë për një vaksinë kundër kancerit të vezoreve

Shkencëtarët po punojnë në Britaninë e Madhe për të krijuar vaksinën e parë në botë kundër kancerit të vezoreve shpresojnë se ajo mund të ndihmojë në çrrënjosjen e kësaj sëmundjeje të egër.

Kjo vaksinë mund të funksionojë në mënyrë të ngjashme me vaksinën e papillomavirusit njerëzor (HPV), shkruan Sky News.

Një vaksinë e quajtur OvarianVax mëson sistemin imunitar të njohë një sulm në trup në fazat më të hershme të kancerit ovarian.

Shkencëtarët nga Universiteti i Oksfordit po punojnë për zhvillimin e një vaksine.

Shkencëtarët duhet të përcaktojnë se cilat proteina në sipërfaqen e qelizave të kancerit ovarian në fazën e hershme njihen më mirë nga sistemi imunitar dhe se si vaksina mund t’i shkatërrojë ato në mënyrë efektive.

Pas këtyre provave dhe testeve në laborator, ata do të jenë në gjendje të kalojnë në provat klinike të njerëzve që kanë mutacionin e gjenit BRCA që rrit në mënyrë drastike rrezikun për t’u prekur nga kanceri ovarian, si dhe gratë e shëndetshme.

Cancer Research UK do ta financojë këtë kërkim me 600,000 £ gjatë tre viteve të ardhshme.

I pyetur nëse vaksina mund të zhdukë kancerin ovarian, udhëheqësi i projektit, profesor Ahmed Ahmed, u përgjigj se është absolutisht e mundur dhe se ky është qëllimi i projektit.

“Kemi ende shumë punë për të bërë, por ky është një moment emocionues. Jam shumë optimist në këtë kuptim”, tha ai.