Shkon në tre numri i viktimave nga zjarret në Turqi

18 fshatra janë evakuuar në Antalia, ndërsa 16 fshatra të tjerë u evakuuan në Andana dhe Mersin për shkak të shpërthimit të zjarrit.

Ministri i Bujqësisë Beqir Pakdemirli njoftoi se ka shkuar në tre numri i viktimave, ndërsa forcat zjarrfikëse janë në përpjekje të vazhdueshme për të neutralizuar flakët.

Ndërkohë më shumë se 100 njerëz janë evakuuar pasi kishin nevojë për kujdes shëndetësor.

Sakaq temperaturat e larta dhe erërat e forta kanë përshpejtuar përhapjen e zjarrit në Manavgat.