Shpërthejnë qytetarët, dalin në protestë: Kryeministër i krimit, ik në shtëpi

Viti 2021 nisi me protesta në Izrael. Qindra e mijëra qytetarë dolën në protestë kundër kryeministrit Benyamin Netanyahu, për shkak të akuzave të ngritura ndaj tij për korrupsion dhe “dështim në menaxhimin e pandemisë së Covid-19”.

Protestuesit me maska dhe bluza ​​me mbishkrimin “Kryeministri i krimit”, duke iu referuar Netanyahu-t, shpesh brohorisnin: Bibi (Netanyahu), ik në shtëpi. Ata po ashtu mbanin pankarta me mbishkrimin “Të gjithë janë të barabartë para ligjit” dhe “Ik”, duke i bërë thirrje Netanyahu-t të japë dorëheqjen.

Policia, e cila bllokoi rrugët që çojnë në zonën ku u mbajt protesta, mori masa të gjera të sigurisë zonë. Demonstrata të ngjashme u mbajtën në pjesë të ndryshme të vendit, veçanërisht në Tel Aviv.

Policia izraelite ndaloi tetë protestues në një protestë para rezidencës së kryeministrit gjatë orëve të ditës. Protestat kundër Netanyahu-t kanë vazhduar për 28 javë në Izrael, vend i cili është prekur nga vala e tretë në pandemisë Covid-19 dhe ku papunësia po rritet gradualisht.