Shp*rthim i fuqishëm në Torino, plagoset një çift i moshuar dhe shembet muri i apartamentit

Një shpërthim i fuqishëm tronditi mëngjesin e sotëm qytetin Rivarolo Canavese në Torino,  duke shkaktuar dëme të mëdha në një ndërtesë katërkatëshe dhe plagosjen e një çifti të moshuar.

Shpërthimi ndodhi rreth orës 07:00 të mëngjesit,  duke shkatërruar plotësisht një apartament në katin e dytë. Sipas autoriteteve italiane , një çift 70-vjeçar u plagos,  njëri prej tyre në gjendje të rëndë.Të plagosurit u transportuan me urgjencë,  njëri me helikopter. Asnjëri prej tyre nuk është në rrezik për jetën.

Shpërthimi hodhi xhamat,  mobiljet,  murin e kuzhinës dhe kangjellat e ballkonit në oborrin e ndërtesës. Brigada e zjarrfikësve dhe ambulancat u mobilizuan menjëherë në vendngjarje.

“Kemi evakuuar pesë familje,”  deklaroi Martino Zucco Chinà, kryebashkiak i qytetit.

Autoritetet dyshojnë se shkaku i shpërthimit ka qenë një bombol gazi në kuzhinë. Hetimet janë në zhvillim,  ndërsa zona është shpallur e sigurt për banorët.