Shtyhet dorëzimi i vaksinave kineze COVID-19 në Turqi

Ministri turk i Shëndetësisë, Fahrettin Koca,  nëpërmjet një statusi në llogarinë e tij në Twitter  ka njoftuar se dorëzimi i vaksinave kineze  të COVID-19 është shtyrë për një ose dy ditë.

Ai ka shtuar se trafiku i fundit shkaktoi një emergjencë në doganat e Pekinit për shkak të zbulimit të një rasti të variantit të ri të koronavirusit atje.

Ai shtoi se për shkak të incidentit, lëvizja doganore është pezulluar përkohësisht.

Grupi i parë me 3 milionë doza të vaksinës kineze Sinovac pritej të mbërrinte në Turqi më 28 dhjetor.