Skenari “post-coronavirus” – Sa vende pune mund të shkurtojë?

Coronavirus i ri mund të “marrë me vete” deri në 24.7 milionë vende punë, sipas një vlerësimi të Organizatës Ndërkombëtare të Punës (ILO).

Agjencia e Punës në Shtetet e Bashkuara sygjeroi se ky ishte skenari më i keq i mundshëm, ose më “i larti” në papunësinë globale, megjithatë theksoi se politikat e koordinuara në nivel ndërkombëtar mund ta zvogëlojnë ndjeshëm impaktin. Në këtë rast, kjo shifër mund të ulej me 5.3 milionë. Ndaj, një skenar i mesëm do të ishte diku të 13  milionë vende pune, prej të cilave 7.4 milionë do të ishin nga vendet me të ardhura të larta.

Organizata Ndërkombëtare e Punës paralajmëroi gjithashtu se këto skenarë mbeten shumë të pasigurta, por megjithatë tregojnë një rritje të konsiderueshme të papunësisë. Për krahasim, rreth 22 milionë vende pune u humbën në mbarë botën ndërmjet 2008-2009, gjatë krizës globale financiare.

Këto vlerësime bazohen në faktin se  shpërthimi i COVID-19 ka detyruar shtetet të kufizojnë lëvizjen e qytetarëve, të bllokojnë kufijtë, duke shkaktuar një rënie në aktivitetin ekonomik global, veçanërisht në sektorët e prodhimit dhe atë të shërbimeve.

Punonjësit pritet të humbasin kolektivisht të ardhura nga puna, në vlera midis 860 miliardë dollarë deri në 3.4 triliardë dollarë, si rezultat i rritjes së papunësisë. Për më tepër, Organizata Ndërkombëtare e Punës theksoi se tendosja e të ardhurave për shkak të rënies së aktivitetit ekonomik do të “shkatërrojë” veçanërisht ata punonjës që janë afër ose në kufirin e varfërisë.

Studimi thekson se mund të ketë 35 milionë më shumë njerëz të varfër në botë, nga sa vlerësoheshin për 2020, përpara coronavirusit. Guy Ryder, drejtori i përgjithshëm i Organizatës Ndërkombëtare të Punës tha se “shpërthimi” i coronavirusit nuk është më vetëm një “krizë globale shëndetësore”, por është gjithashtu “krizë ekonomike”.

“Në vitin 2008, bota u paraqit në  një front të bashkuar për të adresuar pasojat e krizës financiare globale, dhe më e keqja u shmang. Ne kemi nevojë për atë lloj udhëheqjeje tani “shtoi Ryder. Rekomandimet e Organizatës Ndërkombëtare të Punës sygjerojnë se politikat ndërkombëtare duhet të përfshijnë masa për mbrojtjen e punëtorëve, të tilla si inkurajimi për punë me kushte fleksibël dhe puna nga shtëpia.

Bankat qendrore në të gjithë botën po ulin normat e interesit, si pjesë e masave urgjente për të mbështetur dhe stimuluar ekonominë globale. Ndërkohë, qeveritë gjithashtu kanë prezantuar paketa financiare për të ndihmuar në zbutjen e ndikimit të coronavirusit tek punëtorët dhe bizneset.

Burimi: CNBC

/ SCAN