Sllovakia ngre dyshime për vaksinën ruse ”Sputnik V”

Vaksinat e krijuara kundër Covid-19, nuk po pranon aq lehtë. Në Sllovaki janë ngritur dyshime të mëdha për vaksinën ruse ”Sputnik V”. Instituti Kombëtar i Kontrollit të Barnave (Sukl), ka njoftuar se ka analizuar dozat e vaksinës ruse të mbërritura në vend dhe zbuloi se ato nuk do të kishin të njëjtat veti si substancat e përdorura në testet dhe në studimet e botuara në revistën mjekësore Lancet.

Qeveria sllovake, e cila hyri në krizë pikërisht për porosinë ruse të vaksinave, ende nuk ka vendosur nëse do të vaksinojë popullatën me këtë vaksinë. I menjëhershëm ka qenë reagimi i Moskës, e cila e quan këtë një lajm të rremë dhe një fushatë dezinformimi dhe provokimi nga ana e Sllovakisë.

”Për fat të keq, kundërshtim me kontratën ekzistuese dhe në një akt sabotimi, Instituti Kombëtar i Kontrollit të Barnave (Sukl) i Sllovakisë ka testuar Sputnik V në një laborator që nuk është pjesë e rrjetit të laboratorëve zyrtarë të kontrollit të ilaçeve të BE (OMCL) edhe nëse këto ishin në dispozicion. Sukl ka nisur një fushatë dezinformimi kundër Sputnik dhe planifikon provokime të mëtejshme . Cilësia e Sputnik V është konfirmuar nga autoritetet rregullatore të 59 vendeve”, thuhet në postim.