Sllovakia teston 2.5 milionë banorë në një ditë

Për të parandaluar përhapjen e Covid-19, Sllovakia  ka testuar gjysmën e popullsisë.

Ministri i Mbrojtjes, Jaroslav Nad tha të dielën se 2.58 milion sllovakë ishin testuar të shtunën dhe se 25,850 prej tyre, ose një për qind, ishin pozitivë me Covid-19 dhe duhet të karantinoheshin.

Sllovakia ka një popullsi prej 5.5 milionë banorësh dhe planifikon të testojë sa më shumë njerëz të jetë e mundur, përveç fëmijëve nën 10 vjeç.

Më shumë se 40 mijë punonjës shëndetësorë, ushtarë, policë, punonjës administrativë dhe vullnetarë u mobilizuan në rreth pesë mijë vendet e provave.

Projekti i tyre po shikohet nga shtetet e tjera duke kërkuar mënyra për të ngadalësuar përhapjen e virusit dhe për të shmangur mbingarkesën e sistemeve shëndetësore.

Testimi ishte vullnetar, por qeveria njoftoi se do të vendoste një bllokim për ata që nuk vijnë për t’u testuar, duke përfshirë një ndalim për të shkuar në punë.