Sondazhi/ Evropianët ndahen në rritjen e shpenzimeve për NATO

53 përqind e italianëve besojnë se vendi i tyre nuk duhet të rrisë shpenzimet e tyre të mbrojtjes në përputhje me rregullat e NATO-s, ndërsa në Francë dhe Gjermani më pak se gjysma janë në favor të arritjes së objektivave të shpenzimeve të NATO-s, tregoi një sondazh i IFOP për Sputnik.

Më 25 maj, Presidenti i SHBA Donald Trump tha në një samit të NATO-s në Bruksel se anëtarët e tjerë të aleancës duhet të paguajnë “pjesën e tyre të drejtë” dhe theksuan se vetëm pesë nga vendet anëtare ishin duke ndarë 2 përqind të PBB-së së tyre në mbrojtje, objektiv i cili është vendosur në samitin e 2014 në Uells.

Sipas anketës, 53 për qind e italianëve, 47 për qind e gjermanëve dhe 35 për qind e francezëve nuk duan që shpenzimet e mbrojtjes të rriten.

Në të njëjtën kohë, 44 për qind e francezëve, 36 për qind e gjermanëve dhe 31 për qind e italianëve janë në favor të rritjes.

Në Mbretërinë e Bashkuar, e cila, ndryshe nga tre vendet e tjera, shpërndan më shumë se 2 për qind të PBB-së së saj në mbrojtje, 54 për qind e të anketuarve mbështetën mbajtjen e shpenzimeve ushtarake në të njëjtin nivel, ndërsa 25 për qind ishin kundër.

Sipas sondazhit, të anketuarit më të rinj se 35 për qind në Francë dhe Mbretërinë e Bashkuar kanë më pak gjasa se sa ata që janë më të vjetër të duan shpenzime më të larta të mbrojtjes, ndërsa në Gjermani dhe Itali, situata është e kundërta.

Vetëm një pjesë e vogël e anëtarëve të NATO-s kanë arritur objektivin 2 për qind që nga viti 2016. Shtetet e Bashkuara janë shpenzuesi më i lartë, duke shpërndarë mbi 3.6 për qind të PBB-së së saj në mbrojtje, pasuar nga Greqia, Mbretëria e Bashkuar, Estonia dhe Polonia. Ndërsa  23 anëtarët e tjerë janë nën objektiv.

Anketa është kryer në prill 21-25 në mesin e 2,302 të anketuarve, të moshës 18 dhe më të vjetër.

/Sputniknews/