Spanja në frikë, pas “hapjes” shënon rritje viktimash dhe rastesh

Spanja ka regjistruar në 24 orët e fundit 229 vdekje nga koronavirusi, një ulje e vogël shifrash në krahasim me dje, por që prej dy ditësh Spanja po shënon mbi 200 viktima, gjë që ka sjellë shqetësim për autoritetet . Megjithatë prej disa ditësh shteti iberik ndodhet në ditët më të mira që nga shpërthimi i pandemisë.

Numri total i viktimave ka shkuar në 26,299 , ndërsa numri i të infektuarëve mbi 222 mijë. Ndërkohë mbi 168 mijë pacientë janë shëruar.

Madridi dhe Katalonja vazhdojnë të jenë dy zonat më të prekura.

Kujtojmë se Spanja ka zgjatur gjendjen e jashtëzakonshme me dy javë, pasi numri i viktimave të Covid-19 është rritur përgjatë ditëve të fundit. Pas lehtësimit të masave dhe rënies së rasteve ditore apo numrit të viktimave, qeveria spanjolle shpresoi se pandemia ishte drejt fundit.

Por, shifrat e reja, kanë detyruar që të merret pikërisht vendimi i zgjatjes së gjendjes së jashtëzakonshme. Kjo do të lejojë zyrtarët që të zbusin në mënyrë më graduale bllokimin kombëtar.

Rastet e konfirmuara në të gjithë botën kanë tejkaluar 3.9 milion, dhe më shumë se 271 mijë njerëz kanë vdekur nga koronavirusi, sipas të dhënave nga Universiteti Johns Hopkins.joq