Steve Bannon flet pas largimit nga Shtëpia e Bardhë: Po iki në luftë për Trump, jo kundër tij

Steve Bannon, strategu i fushatës së Donald Trump, i sapolargua nga Shtëpia e Bardhë thotë se po përgatitet të luftojë për Trumpin, jo kundër tij.

“Nëse ka konfuzion, më lejoni t’ua sqaroj: Po largohem nga Shtëpia e Bardhë e po shkoj në luftë për Trumpin kundër kundërshtarëve të tij, në Capitol Hill, në media e në Amerikën e corporatave”, tha Bannon për Joshua Green të Bloomberg Businessweek.

Green tha se Bannon “dukej sikur sapo kishte pirë 40 Red Bull” gjatë bisedës telefonike me të.

Bannon nuk i përmendi specifikisht “Demokratët” e Shtëpisë së Bardhë që këshillojnë Trumpin, të cilët konsiderohen gjerësisht si armiqtë e tij gjatë kohës së shërbimit.

Në një intervistë me American Prospect, botuar të mërkurën, Bannon tha se armiqtë e tij “po lageshin” për shkak të axhendës së tij. Bannon kritikoi këshilltarin ekonomik të Shtëpisë së Bardhë Gary Cohn dhe “lobimin e Goldman Sachs” në Shtëpinë e Bardhë.