Studentët përleshen me policinë

Përleshje mes policisë dhe studentëve të universitetit Bogaziçi në Stamboll. Të rinjtë dolën sërish në protesta duke kundërshtuar emërimin e Melih Bulu si rektor i ri i universitetit, por u përballën me dhunën policore. Disa prej studentëve u tërhoqën zvarrë.

Dhjetëra protestues u shoqëruan nga policia, çka e zhvendosi reagimin e studentëve para komisariateve duke kërkuar lirimin e tyre. Të rinjtë e quajnë vendimin e presidentit turk si cënim i demokracisë ndaj nuk e pranojnë.

Nga autoritetet nuk ka asnjë hap pas, përkundrazi, presidenti Erdogan i quan protestuesit si provokatorë dhe terroristë. Melih Bulu u emërua rektor në ditën e parë të vitit të ri. Kjo është hera e parë në 40 vitet e fundit që drejtuesi i njërit prej universiteteve më të rëndësishëm të Stambollit nuk zgjidhet nga brenda këtij institucioni.