Sulm me armë në SHBA, 4 të vdekur dhe një i plagosur

Të paktën katër persona kanë mbetur të vdekur dhe një tjetër është plagosur pas të shtënave me armë në një lagje në Grantsville, në Utah, të Shteteve të Bashkuara.

Fatmirësisht ndërhyrja e shpejtë e efektivëve të policisë bëri të mundur arrestimin e autorit të krimit makabër. Oficerja e policisë, Rhonda Fields, tha para gazetarëve se sulmi ka ndodhur rreth orës 19:00 sipas orës lokale, ndërsa identiteti i viktimave dhe agresorit nuk është bërë publik nga policia.

Fieldes u shpreh se në mesin e viktimave janë dy vajza të reja, një djalë i ri dhe një grua.

“Identiteti i viktimave ende nuk është konfirmuar, por besohet se ata kanë lidhje familjare mes tyre”, tha oficerja. Ende nuk dihen rrethanat e plota të ngjarjes, por policia lokale ndodhet në vendin e krimit për të zbardhur të gjithë dinamikën e ngjarjes.