Sulmi në Manchester, policia publikon foton e kamikazit vetëm pak para shpërthimit

Policia e Britanisë ka publikuar pamjet më të fundit të Salman Abedit, terroristit që vrau 22 persona mbrëmjen e 22 majit në “Manchester Arena”.

Kamikazi ishte i veshur sportiv, me atlete, xhinse një xhup të zi dhe një kapele bejsbolli në kokë, ndërsa në shpinë duken rripat e çantës së mbushur me eksploziv.

Por, mendohet se Abedi nuk ka vepruar i vetëm në këtë sulm, ndërsa policia ka arrestuar pjesën më të madhe të të dyshuarve, madje po heton për gjetjen e të dyshuarve të tjerë.