Sulmohet Universiteti, studentët ngrihen në protestë

Pas sulmit që ndodhi mbrëmjen e së dielës në Universitetin Jawaharlal Nehru (JNU)në Delhi, Indi, studentët janë ngritur në protesta në të gjithë vendin.

Një turmë e maskuar hyri në Universitet dhe sulmoi studentë e mësues me armë, kamxhik, shkopinj hekuri dhe tulla duke plagosur më shumë se 30 prej tyre.

Partitë e opozitës indiane dhe studentët e dëmtuar fajësuan për dhunën e së dielës një organizate studentore të lidhur me partinë nacionaliste hindu Bharatiya Janata të kryeministrit Indian Narendra Modi (BJP) e cila mendohet se ka shënjestruar gjithnjë e më shumë Universitetin.

Sulmi në Universitetin Jawaharlal Nehru (JNU), mendohet se vjen si pasojë e krijimit të një një fushatë mbarëkombëtare të drejtuar nga studentë të këtij Universiteti kundër ligjit të ri për nënshtetësinë, të prezantuar muajin e kaluar nga Modi, i cili me sa duket ka shënjestruar muslimanët.

Videot që dolën pas sulmit tregonin njerëz me maska që lëviznin brenda korridoreve të universitetit dhe dhunonin studentët që në fakt po protestonin kundër rritjes së tarifës.

Arjit Sharma, 23 vjeç, një student i historisë antike në JNU: “Edhe pasi mbaroi, unë pata natën më të frikshme të jetës time, duke u zgjuar duke dëgjuar çdo gjurmë në korridor, një sulmues më tha: “Ne do të kthehemi për ty”.”

Përplasjet e dhunshme kanë polarizuar një atmosferë tashmë helmuese, e cila mbizotëron për tre javë mbi ligjin e nënshtetësisë. Megjithëse fillimisht protestat e JNU nuk kishin të bënin me ligjin, i cili ka shkaktuar protesta masive në mbarë vendin, ato kanë shtuar rritjen e trazirave.

Autoritetet u përballën me kritika për dështim në frenimin e dhunës, dhe shihen si aleatë të politikave të Modi, duke përfshirë heqjen e vitit të kaluar të statusit të veçantë për muslimanët “Shumica Myslimane Kashmir”.