Tension në Moldavi, prorusët tentojnë të hyjnë në selinë e qeverisë

Momente tensioni janë regjistruar mbrëmjen e së martës në Moldavi, kur mbështetës të partisë proruse Sor kanë tentuar të hyjnë në selinë e qeverisë në Kishinau.

Mijëra protestues kishin dalë në sheshin kryesor të kryeqytetit dhe kërkonin dorëheqjen e qeverisë, presidentes, Maia Sandu dhe zgjedhje të parakohshme.

Sipas mediave moldave, tensionet erdhën nga një pjesë e manifestuesve që u ndanë nga turma dhe tentuan të hyjnë në selinë e qeverisë, por hasën në rezistencën e policisë.