Tenton të kalojë ilegalisht 500 mijë dollarë jashtë vendit, arrestohet stjuardesa

Një stjuardesë gjatë një fluturimi në Indi është arrestuar pasi u përpoq të kalonte ilegalisht 500.000 dollarë jashtë vendit.

Autoritetet kontrolluan bagazhet e stjuardesës Devshi Kulshreshtha dhe gjetën paratë me prereje 100 dollarëshe që i kishte fshehur në çantën e kozmerikës dhe këpucë.

Paratë ishin paketuar në letër alumini që të mos viheshin re në skanerin me rreze x.

Stjuardesa është zbuluar të hënën nga Drejtoria e Inteligjencës së të Ardhurave (DRI), ndërsa po udhëtonte nga New Delhi drejt Hong Kong-ut të hënën. 25-vjeçarja u arrestua dhe doli dje në gjykatën e New Delhi.

Kulshreshtha dyshohet se punon për një banor në New Delhi me emrin Amit Malhotra, i cili drejton një rrjet për të kontrabanduar para.

Malhotra, i cili është njohur me stjuardesën 6 muaj më parë gjatë një fluturimi është arrestuar gjithashtu.