Tërmeti tragjik në Haiti, shkon në 724 numri i viktimave

Numri i të vdekurve nga tërmeti tragjik me magnitudë 7.2 që goditi Haitin dje është rritur në 724. Lajmi është bërë i ditur pas një deklarate që ka lëshuar mbrojtja civile e vendit. Sipas po të njëjtit burim më shumë se 2,800 njerëz janë plagosur.

“Numri i të vdekurve u rrit në 724 sot, 15 gusht: 500 në jug, 100 në Grand Anse, 122 në Niepce dhe 2 në veriperëndim”, thuhej në deklaratë.

Presidenti amerikan Joe Biden shprehu keqardhje dhe premtoi se SHBA do t’i ofronte ndihmë Haitit pas tërmetit me magnitudë 7.2 të shkallës Rihter që shkaktoi qindra të vdekur dhe mijëra të plagosur.