Terminalet e gazit turk, Bullgaria nënshkruan marrëveshje afatgjate

Kompania shtetërore bullgare e gazit Bulgargaz nënshkroi të martën një marrëveshje afatgjatë me firmën shtetërore turke të gazit Botas, duke i dhënë asaj akses në rrjetin e gazit të Turqisë fqinje dhe terminalet e gazit natyror të lëngshëm (LNG).

Bullgaria ishte pothuajse plotësisht e varur nga gazi rus, por po kërkon alternativa pasi Moska ndërpreu dërgesat në prill për shkak të refuzimit të Sofjes për të paguar në rubla.

Sipas marrëveshjes së re 13-vjeçare, Bulgargaz do të jetë në gjendje të përdorë terminalet LNG të Turqisë për dërgesat e mallrave, të cilat do të transportohen nëpërmjet rrjetit të gazit të Botas në Bullgari.