Thirrja nga OBSH: Evropa mund të kontrollojë linë e majmunëve, kurse Afrika ka nevojë për ndihmë

Drejtori Rajonal i Organizatës Botërore të Shëndetësisë për Evropën, Hans Kluge është i bindur se Evropa mund të kontrollojë linë e majmunëve, por bën thirrje për mbështetje dhe solidaritet më të qëndrueshëm për Afrikën.

OBSH ka shpallur një emergjencë të shëndetit publik pasi një lloj i ri i virusit, “clade 1”, u përhap në Afrikë, duke regjistruar më shumë se 17 mijë raste, një prej të cilëve u zbulua në Evropë, në Suedi. Kluge tha se ekziston një nivel i ulët rreziku për popullatën e përgjithshme dhe se lija e majmunëve nuk është një virus i ri korona.

Kluge theksoi se gjëja më e rëndësishme për vendet afrikane është aksesi në vaksinë. Një nga pengesat është se vaksinat mund të dorëzohen vetëm në ato vende ku përdorimi i tyre lejohet në situata emergjente, gjë që aktualisht vlen për Republikën Demokratike të Kongos dhe Nigerinë.