Tmerr në rrugët e Londrës/ Sulmohet me hanxharë dhe shotgan, vritet 19-vjeçari (VIDEO)

Prej kohësh rrugët e kryeqytetit anglez janë pushtuar nga banda të ndryshme rivale të cilat sulmojnë njëra tjetrën me çfarë të munden duke filluar nga shkopat e bejsbollit deri tek armët e zjarrit.

Kamerat e sigurisë në një prej këtyre rrugëve kanë filmuar edhe momentin kur anëtarë e një bande teksa lëvizin me biçikleta sulmojnë një 19-vjeçar, Kamali Gabbidon-Lynck, i cili ishte edhe baba i një foshnje të sapolindur, në shkurt të vitit të kaluar.

Gjithashtu ata dhunuan edhe një 20-vjeçar, i cili shpëtoi mrekullisht pas ndërhyrjes së mjekëve.

Dy persona u shpallën fajtor për këtë ngjarje, 18-vjeçari Tyrell Graham, dhe 21-vjeçari Sheareem Cookhorn.

Por autoritet i kanë publikuar pamjet me shpresën e sensibilizimit të njerëzve se mbajtja e armëve të zjarrit, por edhe atyre të ftohta mund të marrin jetë njerëzish kur tensionet janë të larta.