Tragjedia e gazetarit britanik, i vdes gruaja tre ditë pas diagnozës: Lutuni për djalin (Foto)

Tragjedi për gazetarin britanik të Sky Sport Britain. Simon Thomas. Bashkëshortja e tij, Gemma, 40 vjeçe humbi jetën tre ditë pasi u diagnostikua nga një formë e rrallë e leucemisë.

Kimioterapia, e cila i zgjati tre ditë ishte e kotë, ajo vdiq. 40-vjeçarja kishte ndjerë shqetësime dhe kishte bërë vizita të ndryshme, por mjekët nuk i gjetën shkaqet nga i vinte.

Kur u gjet diagnoza e duhur, ishte tepër vonë, sepse sëmundja kishte përparuar. Bashkëshorti i 40-vjeçares lajmëroi vdekjen e saj me një status të ndjerë në Twitter, duke kërkuar edhe një lutje për djalin e tyre 8-vjeçar.

“Sot jam i shtypur nga një dhimbje e papërshkrueshme. Vetëm tre ditë pasi u sëmurë me leucemi, bashkëshortja ime e dashur Gemma vdiq dje në mbrëmje, e rrethuar nga familja dhe miqtë e saj. Lutuni për djalin tim 8-vjeçar Ethan, i cili është i copëtuar nga dhimbja. Faleminderit!”

Gjithashtu postoi edhe një foto të tre së bashku në Instagram të shoqëruar me disa fjalë prekëse. “Ekipi Thomas. Nga tre u bërë dy. Zemra më është copëtuar nga dhimbja”- shkruan gazetari.