Tragjike, zbardhen detajet pse u dogj kampi me refugjatë

Një kamp refugjatësh sirianë në veri të Libanit u dogj të shtunën në mbrëmje, pas një zënke mes anëtarëve të kampit dhe një familjeje vendase libaneze, njoftoi media shtetërore.

Agjencia e Kombeve të Bashkuara për Refugjatët, UNHCR, konfirmoi se një zjarr i madh kishte shpërthyer në një kamp në rajonin Miniyeh dhe tha se disa të plagosur ishin dërguar në spital, por nuk dha një numër të saktë.

Kampi strehonte rreth 75 familje. Agjencia Kombëtare e Lajmeve raportoi se zjarri pasoi një “grindje” midis një anëtari të një familje libaneze dhe ”punëtorëve sirianë”. Të rinj të tjerë nga familja libaneze u “vunë flakën disa prej tendave të refugjatëve”, shtoi agjencia e lajmeve. Sipas njoftimit, Mbrojtja Civile Libaneze u përpoq të vinte nën kontroll flakët ndërsa ushtria dhe policia kishin ndërhyrë për të rivendosur qetësinë.

Sherri në zonën Bhanine nisi kur punëtorët sirianë kërkuan një pagesë të cilën punëdhënësit e tyre nuk pranuan ta jepnin. Hetimet fillestare zbuluan se mosmarrëveshja mund të ishte shkaktuar nga ngacmimi i një gruaje Siriane. “Disa familje janë larguar nga zona nga frika sepse pati gjithashtu tinguj shpërthimesh të shkaktuara nga bomba primitive me gaz”,-tha Kabbara.

Libani thotë se pret rreth 1.5 milion sirianë, përfshirë rreth një milion të regjistruar si refugjatë. Autoritetet u kanë bërë thirrje refugjatëve të kthehen në Siri edhe pse grupet e të drejtave paralajmërojnë se vendi i shkatërruar nga lufta nuk është ende i sigurt.