Trazirat në SHBA/Pelosi thirrje ushtrisë: Mos i jepni Trumpit kodet bërthamore

Në situatën ku ndodhet SHBA-të, pas kaosit në Kongresin Amerikan, kryetarja e Dhomës së Përfaqësuesve, Nancy Pelosi, thotë se ka folur me një komandant të lartë ushtarak të Shteteve të Bashkuara, lidhur me vendosjen e disa masave kufizimeve ndaj presidentit, Donald Trump.

Pelosi ka biseduar me gjeneralin Mark Milley me të cilin ka diskutuar për parandalimin e Trumpit për inicimin ndonjë sulmi ushtarak ose “qasjen në kodet bërthamore dhe urdhërimin e ndonjë sulmi bërthamor”.

”Situata me këtë president nuk mund të jetë më e rrezikshme dhe ne duhet të bëjmë gjithçka që mundemi për të mbrojtur popullin amerikan, nga sulmet e tij të pabalacuara mbi shtetin dhe demokracinë tonë”, tha Pelosi në një letër që u dërgoi kolegëve të saj.

Ngana tjetër, Pelosi do të takohet me zyrtarë të tjerë të lartë demokratë për të diskutuar mënyrat e largimit të Trumpit nga zyra, duke mos e përjashtuar as mundësinë e nisjes së procesit gjyqësor ndaj presidentit Trump, që njihet me termin “impeachment”.