”Trombozë dhe mpiksje gjaku”, disa shtete pezullojnë vaksinën e AstraZeneca

Danimarka pezulloi për dy javë përdorimin e vaksinës AstraZeneca. Autoritetet po hetojnë raportimet e disa pacientëve që po hasin mpiksje të gjakut pas injektimit të dozës. Danimarka ndjek shkembullin e disa vendeve të tjera europiane që pezulluan përdorimin e një ngarkese specifike të vaksinës të AstraZeneca.

Ministri danez i shëndetësisë, Magnus Heunicke, tha se autoritetet po shqyrtojnë shenjat e efekteve anësore serioze në formën e mpiksjes fatale të gjakut. Agjencia e Barnave e këtij shteti konfirmoi hetimin në një deklaratë dhe shtoi se është raportuar një jetë e humbur pas vaksinimit.

”Nuk e dimë ende nëse mpiksjet e gjakut dhe vdekja në Danimarkë janë për shkak të vaksinës, por duhet të bëjmë një ekzaminim të gjerë për siguri”,- u shpreh Tanja Erichsen nga Agjencia e Barnave në Danimarkë.

Austria pezulloi përdorimin e një dërgese specifike të vaksinës së AstraZenecas, të emërtuar ABV5300, pasi një person u diagnostikua me trombozë të shumfishtë. Të njëjtin vendim mori edhe Estonia, Lituania, Luksmeburgu dhe Letonia.