Trump: Dënim me vdekje kush vret policët

Vdekje vrasësve të policëve! Është ky premtimi i presidentit Donald Trump, i dhënë gjatë fushatës elektorale, por që tashmë duket se do të bëhet realitet.

Duke folur në Akademinë e FBI-së, presidenti amerikan tha se kushdo që shpallet fajtor për vrasjen e një efektivi të policisë do të dënohet me vdekje dhe për këtë premtoi se do të nënshkruante një urdhër ekzekutiv.

Por megjithëkëtë, presidenti Trump nuk kurseu kritikat për FBI-në duke e quajtur të turpshëm hetimin për serverat privatë të Hillary Clinton, rivales së tij në zgjedhjet e vitit 2016. Duke thënë këtë, Trump tha se do të rindërtonte FBI-në por pa sqaruar se çfarë kishte në mendje me këtë frazë.