Trump kundër shefit të FBI-së: Goditja në vesh u shkaktua nga plumbi
Ish-presidenti i SHBA Donald Trump iu përgjigj ashpër komenteve të fundit të drejtorit të FBI-së, Christopher Wray për plagosjen e tij, duke thënë se ai u godit nga një plumb gjatë atentatit të 13 korrikut.
Përgjigjja e Trump erdhi pasi dëshmia e Wray para Kongresit sugjeroi se kishte pasiguri nëse Trump u godit nga një plumb apo copëza.
Në një postim në platformën e tij të mediave sociale, Truth Social, ish-presidentiTrump, i cili është kandidati republikan presidencial për zgjedhjet e nëntorit, kritikoi Wray për komentet e tij mbi atentatin kundër tij.
“Drejtori i FBI-së, Christopher Wray i tha Kongresit dje se nuk ishte i sigurt nëse isha goditur nga copëza, xhami apo plumb (FBI as që e kontrolloi kurrë!). Jo, ishte, për fat të keq, një plumb që më goditi veshin dhe e goditi fort. Nuk kishte xham, nuk kishte asnjë prerje. Spitali e quajti ‘plumb në vesh’ dhe kështu ishte,” sqaroi Trump.
