Trump në Samitin e NATO-s: Angazhim të fuqishëm kundër terrorizmit

Nga selia e re organizatës së NATO-s, Presidenti i Shteteve të Bashkuara, Donald Trump bëri thirrje për më shumë angazhim në luftën kundër terrorizmit.

Teksa kërkoi një minutë heshtje për viktimat e sulmit në Mançester, Trump tha se ai ishte një akt barbar kundër shoqërisë.

Ai bëri me dije se kishte rënë dakord me mbretin e Arabisë Saudite për t’u angazhuar në luftën kundër terrorizmit. Në Bruksel ka nisur sot Samiti i NATO-s.

Trump: Na duhen strategji të reja që të gjithë bashkë të mposhtim terrorizmin. SHBA paguan financiarisht më shumë se vendet e tjera të NATO-s. Anëtarët e NATO-s të paguajnë pjesën e tyre.  Të mobilizojmë dhe fuqizojmë forcat tona në luftën kundër terrorizmit. Nuk do lëkundemi në përpjekjet tona për të arritur paqe dhe siguri.