Turistët “infektojnë” Kroacinë me Covid-19

Kroacia ka qenë një prej vendeve më të vizituara të këtij sezoni veror, por bumi turistik nuk erdhi pa kosto. Vendi raportoi 219 infektime të reja në 24 orët e fundit, shifra më e lartë kjo që prej konfirmimit të rastit të parë në 25 shkurt.

Kroacia hapi kufijtë në muajin korrik dhe më shumë se 2 milionë turistë hynë në shtetin e Europës juglindore gjatë muajit të kaluar, 54 për qind më shumë se sa në të njëjtën periudhë të vitit të kaluar.

Shumë prej vendeve fqinje e kanë listuar Kroacinë si vend me rrezik të lartë. Ministria sllovene e shëndetësisë tha se dhjetëra raste të konfirmuara gjatë javës së fundit ishin importuar nga Kroacia dhe të enjten riktheu kufizimet ndaj personave të ardhur nga ky vend.