Turqi, brenda ditës humbin jetën 12 persona

Numri i të infektuarve me Covid-19 në Turqi është rritur në 947. Sipas të dhënëve të bëra të ditura nga autoritetet në vend, vetëm gjatë 24 orëve të fundit janë konfirmuar 277 raste të reja. Në Turqi kanë ndërruar jetë 21 persona, prej këtyre 12 e kanë humbur betejën me Covid-19 vetëm ditën e sotme. Duke qenë grupi më i cënueshëm nga koronavirusi, Turqia ka vendosur që të moshuarit që janë më të mëdhenj se 65- vjeç dhe ata që vuajnë nga sëmundje kronike të qëndrojnë në shtëpi. Lajmin e ka bërë të ditur Ministria e Brendshme të shtunën.