Turqia: Në sulmin në Siri u përdor gaz sarin

Ministri turk i Shëndetësisë thotë se rezultatet e analizave të viktimave të sulmit kimik në Siri konfirmojnë se është përdorur gaz sarin

Recep Akdag tha të martën se analizat e kampioneve të urinës nga viktimat janë prekur nga agjentët nervorë.  Deklaratat u publikuan nga agjencia shtetërore e lajmeve turke Anadolu

Javën e fundit Turqia kreu autopsinë mbi trupat e tre viktimave të sulmit kimik të cilat ishin dërguar në Turqi nga Siria.

Zyrtarët e OBSH-së dhe Organizatës për ndalimin e armëve kimike morën pjesë në autopsi.

Sulmi në provincen Khan Sheikhoun shkaktoi 89 të vdekur. Në përgjigje SHBA lëshoi 59 raketa në bazën ajrore siriane.

Sekretari amerikan i Shtetit, Rex Tillerson mbërriti në Moskë dhe nesër pritet të takohet me ministrin e Jashtëm Sergei Lavrov.  Ndërkohë presidenti rus, Vladimir Putin deklaroi sot se Moska zyrtarisht do të kërkojë një hetim ndërkombëtar.