U raportua për ma*akër, Al Jazeera: S’ka prova se foshnjave izraelite u janë prerë k*kat

Lufta Izrael-Hamas ka prodhuar lajme të frikshm,e. Tre ditë më parë u raportua për foshnje dhe fëmijë me koka të prera në komunitetin Kfar Aza të Izraelit. Pas këtij lajmi ishte dhe presidenti amerikan Joe Biden i cili shprehu publikisht indinjatën e tij ndaj militantëve të Hamasit. Lajmi i tmerrshëm u përhap në mediat botërore brenda disa orësh duke tronditur publikun.

“Por raportet e mëvonshme zbuluan se asnjë prerje koke e tillë nuk është verifikuar nga ndonjë burim izraelit apo ndërkombëtar ndoshta sepse ato nuk kanë ndodhur kurrë. Ky ishte vetëm një incident i raportimeve të rreme që u përhapën në sferën publike përmes mediave për të denigruar armiqtë dhe për të mbështetur aleatët e dikujt. Mijëra raporte të tjera të rreme si ky qarkullojnë çdo ditë në media edhe pse jo domosdoshmërisht aq të egra, ose të përhapura nga njerëz të tillë, në kulmin e një konflikti intensiv në Palestinë dhe Izrael që ka polarizuar opinionin global”, thuhet në një artikull të Al Jazeera.

Mediat në mbarë botën morën shpejt raportin e i24News dhe zëdhënësi i kryeministrit izraelit tha se foshnjat “me kokat e tyre të prera” ishin gjetur. CNN, ndër të tjera, raportoi prerje kokash dhe “ekzekutime të stilit të ISIS”. Kur gazetarët pyetën një zëdhënës të ushtrisë izraelite për historinë, përgjigja ishte: “Ne nuk mund ta konfirmojmë, por ju mund të supozoni se ka ndodhur”.