“Unë nuk do ta vendos”/ Trump kundërshton këshillat e administratës së tij për maskën mbrojtëse

Donald Trump ka thënë se administrata e tij po i inkurajon amerikanët të vendosin maska mbrojtëse për fytyrën në publik për të parandaluar përhapjen e koronavirusit, por ai vetë nuk ka ndërmend të vendosë një të tillë, pavarësisht këshillave të gruas së tij.

Qendrat për Kontrollin dhe Parandalimin e Sëmundjeve (CDC) nxorën udhëzime të reja për njerëzit që të mbanin bandane, bluza dhe mbulesa të tjera të bazuara në leckë në zona të mbushura me njerëz, veçanërisht në pikat e nxehta.

“CDC po këshillon përdorimin e pëlhurave jo-mjekësore që mbulojnë fytyrën si një masë shtesë vullnetare të shëndetit publik,” u tha presidenti amerikan gazetarëve të Premten. “Kjo është vullnetare. Unë nuk mendoj se do ta bëj atë. “(TheGuardian)