Vaksina kundër Covid-19, nxit reagim të fortë imunitar tek të moshuarit

Vaksina e Oksford dhe “AstraZeneca” kundër Covid-19, nxit një reagim të fortë imunitar tek 60 dhe 70-vjeçarët, duke shtuar shpresat se ajo do të mbrojë grupin më të rrezikuar nga Covid-19.

Studiuesit thanë për revistën shkencore “The Lancet”, se të dhënat e fazës së dytë eksperimentale, të bazuara tek 560 vullnetarë të shëndetshëm janë inkurajuese. Faza e tretë e testimeve, rezultatet e të cilës pritet të raportohen gjatë javëve në vazhdim, do të tregojë nëse vaksina pengon infektimin me koronavirusi në shkallë të gjerë.

Tre vaksina, të Pfizer-BioNTech, Modernës dhe rusja Sputnik, kanë treguar efektshmëri të lartë në fazën e tretë dhe më të rëndësishme të testimit, me atë të Pfizer që sugjeron mbrojtje prej 94 përqind te personat mbi 65-vjeç. Profersori Andreë Pollard, drejtues i studimeve të Oksford tha se nuk ishin në garë më kompanitë e tjera, duke shtuar se nevojiteshin shumë vaksina të suksesshme.

Mjekja Maheshi Ramasamy, hetuese e Oxford Vaccine Group, u shpreh “Jemi të kënaqur që vaksina jonë, jo vetëm tolerohet nga personat e moshuar, por gjithashtu stimulon një reagim të ngjashëm imunitar me atë të të rinjve. Hapi i radhës do të jetë të shohim nëse kjo do të përkthehet në mbrojtje nga sëmundja”.