Varhelyi: Të shpejtojmë Integrimin e Ballkanit në Bashkimin Europian

Komisioneri për Zgjerim, Oliver Varhelyi deklaron se BE duhet të përshpejtojë procesin e integrimit të Ballkanit Perëndimor.

Përmes një statusi në rrjetet sociale, Varhelyi shkruan se rajoni i Ballkanit luan një rol të rëndësishëm në planet për një Evropë më të begatë dhe më të bashkuar.

“Në Samitin e Procesit Berlin me Ballkanin Perëndimor: Rajoni luan një rol kryesor në planet tona për një Evropë më të begatë, të lidhur më mirë, më të gjelbër dhe më elastike. Kjo është arsyeja pse ne duhet të shpejtojmë integrimin e tij”, shkruan komisioneri në Twitter.