Video/ Studentët marrin peng drejtorin e shkollës për më shumë se 30 orë

Studentët protestues mbajtën peng një drejtor shkolle nga frika se diploma e tyre do të zhvlerësohej, tha policia kineze.

Protestat u zhvilluan  rreth një plani për të bashkuar një kolegj Nanjing në provincën Jiangsu me një institut profesional – të cilat shihen si më pak prestigjioze.

Disa nga studentët u raportuan të plagosur, pasi policia dyshohet se përdori shkopinj gome mbi ta.

Protesta të tilla janë të rralla në Kinë ku kontrollohen lëvizjet masive.

Policia e qytetit Danyang tha në një deklaratë se studentët në Universitetin Nanjing të Kolegjit Zhongbei në provincën Jiangsu ishin “mbledhur” dhe mbajtën peng drejtorin 55-vjeçar për më shumë se 30 orë.

Studentët refuzuan ta linin të largohej edhe pasi autoritetet njoftuan një pezullim të planeve të bashkimit, shtoi deklarata.

Përdoruesit e medieve sociale postuan foto të policisë duke përdorur shkopinj mbi studentët, dhe një femër të gjakosur nga koka, tha agjencia e lajmeve AFP.

Deklarata e policisë tha “për të mbështetur urdhrin e kampusit organet e sigurisë publike morën masat e nevojshme në përputhje me ligjin për të liruar personin e bllokuar dhe të dëmtuarit u dërguan menjëherë në spital për trajtim.”

Një video në Twitter tregoi mijëra studentë që brohorisnin të rrethuar nga oficerë jashtë, ndërsa policia i ndiqte pas dhe tërhoqi individët nga turma.

Të gjashtë kolegjet në provincën Jiangsu që atëherë kanë thënë se ata do të pezullojnë çdo plan bashkimi që u njoftua fillimisht në Mars.

Vendimi ka çuar në protesta në katër kolegje të tjerë të pavarur në krahinë në ditët e fundit, sipas gazetës Global Times.

Kina pritet të ketë një rekord nëntë milion të diplomuar universitarë këtë vit.