Vrasja e gjeneralit, Irani lëshon mandat arresti për Donald Trump

Prokuroria e Teheranit ka lëshuar një mandat arresti për Presidentin e Shteteve të Bashkuara, Donald Trump për vrasjen e gjeneralit Iranian, Kasem Sulejmani më 3 janar 2020.

Bashkë me kreun e Shtëpisë së Bardhë, kërkohet edhe për 36 qytetarë të tjerë, mes të cilëve dhe funksionarë të lartë të administratës amerikane. Lajmi është bërë i ditur nga agjencia e lajmeve FARS.

Prokuroria iraniane shpjegon se Trump dhe 36 amerikanët e tjerë akuzohen për vrasje dhe terrorizëm, ndërsa procesi do të vijojë edhe pas përfundimit të presidencës së tij. Kjo procedurë nuk detyron shtetet anëtare të Interpol që të arrestojnë apo ekstradojnë të dyshuarit.