Vrasja makabre e 21 vjeçarit shqiptar, i akuzuari: Ishin të dy të lyer në gjak, u frikësova

Giuseppe Petriccione , 46-vjeçari i akuzuar si bashkëpunëtor në vrasjen e një 21-vjeçari shqiptar në Britaninë e Madhe në një sulm brutal, pretendon se përgjegjës për këtë ngjarje ishte shoku i tij i dhomës.

Giuseppe Petriccione mohon të ketë përfshirje në vrasjen e Serxhio Markut, ngjarje e ndodhur shtatorin e shkuar në Stafford Road.

Petriccione, 46 vjeç jetonte me Francesco D’Agostino dhe dy kuzhinierët, me të cilët punonte në Donatello në Brighton, dhe kishin blerë kokainë nga viktima.

21-vjeçari shqiptar pësoi dëmtime të shumta gjatë një incidenti në banesë në orët e para të 11 shtatorit të vitit të kaluar dhe vdiq gjatë rrugës për në spital.

Petriccione dhe D’Agostino akuzohen si bashkëpunëtorë në vrasjen e të riut shqiptar.

Ata kishin kokainë prej tij një natë para ngjarjes dhe Marku ishte kthyer natën për të sjellë sërish lëndë narkotike.

Por Petriccione mohon çdo përfshirje në vrasjen e tij.  Gjatë marrjes në pyetje ai u tha oficerëve: “Unë nuk e njihja viktimën. Po përpiqesha t’i ndaja. Ata po përlesheshin ”

Petriccione, nga Arienzo Itali, ka treguar se, shoku i tij i dhomës dhe Marku u përleshën duke përdorur thika dhe shtangë.  

“E di që tingëllon absurde, por e urrej dhunën, kam frikë prej saj. Të dy ishin të mbuluar me gjak, ata më shtynë mënjanë. Unë isha personi që u përpoqa t’i ndaj. Unë pashë disa veprime therëse, kisha frikë. Ata po flisnin në anglisht dhe unë nuk mund ta kuptoja”, ka rrëfyer ai.

Policia e pyeti Petriccione pse ishte i mbuluar me gjak dhe më pas ishte përpjekur ta lante atë. Ai tha: “Thjesht po më shqetësonte. Unë jam një person paqësor”.

Petriccione pretendon se shoku i tij tha se Marku i kishte kërcënuar dhe kjo ishte bërë shkak për sherrin mes tij dhe autorit.