Zbulime të reja nga SHBA, regjistrohet viktima e parë nga koronavirusi që në fillim të muajin shkurt në Kaliforni

Vdekja e parë nga koronavirusit në Shtetet e Bashkuara të Amerikës ka ndodhur në Kaliforni në fillim të shkurtit, ndërsa e dyta në mes të të njëjtit muaj.

Autoritetet lokale shëndetësore sqaruan se autopsitë zbuluan se dy persona që vdiqën në Santa Clara County në 6 dhe 17 shkurt ishin infektuar nga COVID-19. Pra kjo tregon se virusi që ka tmerruar botën mund të jetë përhapur disa javë para fillimit të emergjencës në SHBA.

Kujtojmë që SHBA-të janë vend i parë në botë si nga numri i të infektuarve ashtu edhe nga numri i vdekejeve nga koronavirusi. Deri tani SHBA-ja numëron 805 772 të infektuar me koronavirus, nga të cilët kanë ndërruar jetë, 40,316 persona.