Zëdhënësi i Forcave Ushtarake Izraelite akuzon Hamasin se fshihet pas palestinezëve

Zëdhënësi i IDF, Peter Lerner,tha për BBC se “Hamasi fshihet pas palestinezëve”.

Lerner thotë se është “një tragjedi njerëzore në të dy anët e kufirit. Kjo është një nga arsyet pse Hamasi duhet të largohet. Të gjithë po vuajnë nga kjo organizatë”.

Ai akuzon Hamasin për vendosjen e “të gjitha aftësive të tyre në arenën civile”, duke përfshirë “dronë shpërthyes në çatitë e shtëpive” dhe “hedhjen e raketave nga jashtë objekteve të OKB-së”.

Ai gjithashtu thotë se më shumë se 7,000 raketa janë hedhur nga Gaza në Izrael që nga 7 tetori.

Më parë, Lerner tha se Hamasi po përdorte spitalet në Gaza si “pozicione komanduese, terrene për skenë dhe mburoja njerëzore”.