Zelensky firmos marrëveshje me SHBA-në, nis prodhimi i përbashkët i armëve në Ukrainë

Presidenti ukrainas Volodymyr Zelenskyy ka njoftuar se Ukraina do të nisë prodhimin e përbashkët të armëve me SHBA-të.

Masa do të lejojë Kievin të fillojë prodhimin e sistemeve të mbrojtjes ajrore si pjesë e një marrëveshjeje afatgjatë, si edhe do të krijojë vende pune dhe një bazë të re industriale në Ukrainë.

Njoftimi erdhi këtë mëngjes pasi Zelenskyy përfundoi një vizitë në SHBA.

“Ishte një vizitë shumë e rëndësishme në Uashington dhe patëm rezultate shumë të rëndësishme”, tha Zelenskyy.

Ukraina ka rritur përpjekjet e saj për të rritur prodhimin vendas të armëve sa më shumë që të jetë e mundur.

“Ne po përgatitemi të krijojmë një ekosistem të ri mbrojtës me Shtetet e Bashkuara për të prodhuar armë për të forcuar lirinë e mëtejshme dhe për të mbrojtur vendin së bashku”, tha Zelenskyy pa dhënë më shumë detaje.