Zgjidhja e vetme për fundin e luftës në Ukrainë sipas Viktor Orban

“Vetëm rizgjedhja e Donald Trump në krye të Shtëpisë së Bardhë, i jep fund luftës në Ukrainë”,-thotë kryeministri i Hungarisë, Viktor Orban.

Ai lavdëroi politikën e jashtme të Trump, ndërsa kritikoi administratën e Joe Biden dhe qasjen e saj ndaj luftës.

Orban shton se kthimi i Trump do të ishte e vetmja rrugëdalje nga konflikti teksa çdo sugjerim se Kievi mund të fitojë luftën kundër Rusisë është një gënjeshtër.

“Rusët janë shumë më të fortë, shumë më të shumtë se ukrainasit. Thirrni përsëri Trumpin… Trump është njeriu që mund të shpëtojë botën perëndimore”, tha Orban.