Zhduket në rrethana misterioze vogëlushja në dasmë, autoritetet franceze në kërkim të saj (Foto)

Bota E Hënë, 12 Korrik 2021 07:09

FRANCE– Zhdukja e një vajze 9-vjeçare në një fshat të Francës ka alarmuar autoritetet franceze. Ngjarja në fjalë është regjistruar ditën e shtunë në fshatin Isere. Mësohet se vogëlushja, e cila ishte bashkë me prindërit e saj në një dasmë, është zhdukur në rrethana ende misterioze pa lënë gjurmë gjatë natës së të shtunës.

‘Tgcom’ shkruan se 9-vjeçarja ishte në dasmë bashkë me prindërit, pasi martohej kushëriri i nënës së saj. Gjatë marrjes në pyetje dëshmitarët pohuan se vajza ishte parë për herë të fundit në parkingun e godinës ku mbahej ceremonia martesore, rreth orës 03:00.