Zjarre masive në Portugali dhe Spanjë, 31 të vdekur

Të paktën 31 persona kanë humbur jetën si pasojë e zjarreve masive në Portugali.

Sipas autoriteteve, 145 vatra zjarri vijojnë të jenë aktive në të gjithë vendin, ndërsa shërbimet zjarrfikëse po punojnë për neutralizimin e flakëve.

Më shumë se 50 vetë janë plagosur, ku 15 janë në gjendje të rëndë si pasojë djegieve që kanë pësuar. Autoritetet kanë evakuuar qindra familje.

Një gjendje e jashtëzakonshme është njoftuar në veri të lumit Tagus, teksa më shumë se 6000 zjarrfikës po luftojë me flakët, njofton BBC.

Ndërkohë si pasojë e zjarreve, 3 persona kanë humbur jetën edhe në rajonin e Galicës në Spanjë. Ndërkohë në Irlandë një person ka humbu jetën si pasojë e uraganit ‘Ophelia’.