Zonja e Parë e Ukrainës thirrje Britanisë: Duam një gjykatë speciale. Ne kemi nevojë për drejtësi

Para deputetëve britanikë në Westminster në Britani, Zonja e Parë e Ukrainës, Olena Zelenska, në një fjalim historik, u bëri thirrje Mbretërisë së Bashkuar të ndihmojë në vendosjen e drejtësisë për Ukrainën. ”Fitorja nuk është e vetmja gjë që na duhet, ne kemi nevojë për drejtësi”.

Duke i bërë jehonë komenteve të kryeparlamentarit Lindsay Hoyle, ajo krahason konfliktin aktual me Luftën e Dytë Botërore dhe thotë se sirenat e dëgjuara anembanë Ukrainës janë “identike me ato të dëgjuara nga brezat britanikë që nuk u dorëzuan, dhe ne nuk do të dorëzohemi”, raportojnë mediat e huaja.

Olena Zelenska i kërkon Britanisë të ndihmojë në ngritjen e një “gjykate speciale” kundër Rusisë për ta mbajtur atë “përgjegjëse për krimin e luftës dhe terrorit”. Për të Britania mund të bëhet një lider botëror për këtë çështje.