Zoran Zaev rezulton negativ në testin për Covid-19
Bota E Shtunë, 11 Prill 2020 16:26
Lideri i LSDM-së Zoran Zaev ka rezultuar negativ në testin për Covid-19, njofton Ministria e Shëndetësisë në vend.
Lajmin pritet ta konfirmojë vetë ministri i shëndetësisë, Venko Filipçe në konferencën e sotme.
Në Maqedoninë e Veriut u dyshua fillimisht se koronavirusi ka prekur edhe krerët e dy partive kryesore si Zoran Zaev nga LSDM dhe Hristijan Mickoski nga VMRO-DPMNE-ja.
Dyshimet erdhën pasi Zaev dhe Mickoski kishin pasur takime direkte me një gazetar që rezultoi i infektuar.
Deri më tani janë shënuar 34 viktima nga koronavirusi dhe janë infektuar 760 persona.
