Pse dyshon mjekja Teuta Kamberi?
Ç’po ndodh realisht? Si ka mundësi që një mjeke e specializuar Teuta Kamberi Alizoti hedh një tjetër version për vdekjen e gazetares së njohur Xhamani? Pas vdekjes së gazetares Adelajda Xhamani, mjekja Teuta Kamberi Alizoti ka bërë një reagim në faqen e saj në Facebook, ku hedh dyshime për vdekjen e saj. Doktoresha hedh poshte versionin për vdekje nga ataku kardiak apo nga epilepsia. Sipas saj, “ajo vajzë kishte shumë për të thënë, por nuk e lanë ta thoshte…”. Deri më tani policia nuk ka nxjerr një version zyrtar të vdekjes së 31-vjecares.
Dje mediat jepnin online se Adelajda Xhamani ka marrë në telefon para vdekjes një shoqe të saj duke i thënë se “nuk po mbushet me frymë..”. Ndërsa policia publikoi një komunikatë as mish e as peshk. Realisht ç’po ndodh, pasi ajo sapo është ndarë nga kjo jetë e ku sot e kanë përcjellë për në banesën e fundit. Si ka mundësi, çfarë i ka ndodhur Adelajda Xhamanit? A ka raport mjeko-ligjor? Mjekja shkruan sot se nuk ka lidhje me atakun kardiak apo epilepsinë, siç u tha. Ajo shton se ” shikoni se mos dikush tjetër ka qenë shkaktar…”. Dhe si për ta futur në një vorbull të tmerrshme gjithçka ndodhur ajo shton se “Per mua ajo vajze kishte shume per te thene, por nuk e lane ta thoshte…”. Çfarë di mjekja dhe nuk e thotë? Kush është ai “dikushi”?!
Pse ia bëni edhe më të rëndë zemrën familjes së Adelajdës? Pse ia rëndoni zinë?
Pas kësaj ku statusi i mjekes së saj ka marrë dhenë nëpër media online do të ishte urgjent nga policia e prokuroria hetimi i kësaj ngjarje. Urgjent! Ose duhet vizituar mjekja.
Më poshtë reagimi i plotë i mjekes.
Statusi i plotë
Pallavrat e mediave..ka qene epileptike..?!
E para nuk e kam egzaminuar kurre per 25 vjet…
por edhe sikur…
pastaj…c’fare lidhje ka me atakun kardiak?!
Ta zeme se ka qene me epilepsi dhe eshte futur ne status epileptik..
do te kishte shenja goditje duke u perplasur me orendite perqark..duke qene vetem..
Shikoni se mos dikush tjeter ka qene shkaktar..
Ajo jetonte vetem..dhe policia tha nuk kishte shenja goditje..
Ku ishte mjeku ligjor..te vdesesh nga epilepsia eshte e pamundur te mos lesh gjurme…si psh urinim te pavullnetshen..kafshim te gjuhes..trauma..etj..
ky ne konteksin e nje statusi epileptik..
sipas jush…
Per mua ajo vajze kishte shume per te thene.
por nuk e lane ta thoshte…
U prehsh ne paqe zemer..
Uroj te gjehet e verteta jote..
Te jesh engjell nuk eshte keq ne kete bote te shemtuar..
Ish i dashuri i gazetares Adelajda Xhamani, Bjordi mezini ka reaguar në mënyrë të paprecendentë për shpalosjen në media të ndarjes nga jeta në mënyrë të parakohme të gazetares.
Ja se si shkruan ai sot:
“Shkruaj kto fjale tani sepse e di qe nesër do qetësohem dhe do vazhdoj tju injoroj siç ju kam injoruar gjithmonë.
Por sot jo, sot dua t’ju shfrytëzoj për të shkarkuar sa do pak nervat dhe dhimbjen qe kam brenda. Të beheni dhe ju të dobishëm një here ne jetë.
Ju, që mbushni boshllëkun e jetës tuaj me fatkeqësitë dhe gëzimet e njerëzve qe as nuk njihni dhe as nuk kuptoni dot.
Juve dua tju them qe urrej çdo gjë që përfaqësoni: injorancë , ligësi, boshllëk.
Ju jeni e keqja më e madhe e kti vendi.
Ju qe vendosni nëse është e drejtë të qajme një njeri të dashur ose jo.
Ju, analfabeta funksional që gjykoni kur është vonë dhe kur është herët per të kerkuar falje.
Ju që e mendoni veten juri, gjykatës dhe xhelat.
Ju qe nuk njihni dashuri por vetëm urrejtje.
Ju më shkaktoni vetëm neveri.
Jeni fëlliqësira me e ndyre qe mund te jetoj në një shoqëri civile.
Jeni pa vend, jeni pa shpresë dhe jeni të kalbur.
Mendoni se mendimi juaj i cekët dhe i ligë është i vlefshëm, por nuk i duhet askujt. Flisni vetem sepse keni mundesi ta bëni, por nuk kam nevoj per ju. As Per like-t tuaja ose per folloë-in tuaj.
Asnjeri ka nevoj per ju.
Do thoja qe jeni për të ardhur keq, por e vërteta është që për të ardhur keq është toka e shkretë qe ka taksiratin tju mbaj gjall me oksigjen falas.
Ju kanceri i kesaj bote nuk meritoni as mallkim, sepse të mallkuar keni lindur.
Por gjëja më e trishte është qe gjithsesi nuk do kuptoni dot kto fjalë që po lexoni sepse jeni të vonuar dhe truri juaj i nën zhvilluar nuk ju lejon te bëni një analizë të saktë.
Por siç thashë më sipër, sot ju shfrytëzova unë, sepse kisha nevoj per ju.
Dhe pse nuk do sjelli asnje ndryshim ne jeten tuaj mizore dhe as tek e imja, te paktën sot shkarkova pak nga inati që kam më padrejtësinë e botës në këtë ditë e zezë per mua.
Tani tërhiqni like-un tuaj mbrapshtë dhe vazhdoni te parazitoni në te vetmen botë ku ndjeheni të rëndësishëm, ajo virtuale.
Me mosrespektin maksimal.
Sinqerisht, Bjordi,”-përfundon statusin e tij Bjordi.
Në rrjete sociale e masakrojnë Bjodrin:
Mjaft i tronditur për humbjen e saj Bjordi gjatë mbrëmjes së djeshme i ka dedikuar disa fjalë mjaft prekëse, por mesa duket jo të gjithë komentuesit e kanë mbështetur. Disa prej tyre janë shprehur se nëse nuk dota linte Adelën vetëm diçka e tillë nuk do të kishte ndodhur.
Gazetarja dhe ish-banorja e Big Brother Adelajda Xhamani u nda nga jeta mëngjesin e së dielës si pasojë e një ataku kardiak. Adela u bë e njohur pas pjesëmarrjes së saj në Big Brother dhe historisë së saj se dashurisë me Bjordin.
Më pas ajo ka vijuar karrierën si gazetare në disa gazeta dhe portale. Gjithashtu Adela ka drejtuar edhe disa emisione televizive ku më në fundit “Shtëpia e Adelës” do ta niste më 15 nëntor./Gazeta Express/
