Home Bota Denoncimi: Pa...

Denoncimi: Partia e Vuçiç “blen” vota për 100 gramë kafe turke!

12
0

Përgatitjet për zgjedhjet lokale në Rumenci, të planifikuara për 1 gusht, filluan me kafe turke shkruajnë mediat në Kosovë.

Qytetarët e këtij qyteti kanë nisur të vizitohen nga aktivistët e partisë SNS të presidentit serb, Aleksandar Vuçic të cilët po u shpërndajnë nga 100 gramë kafe të bluar me logon e kësaj force politike. Ky gjest i vogël i tërheqjes së vëmendjes nga partia në pushtet e kaloi provën në zgjedhjet e Novi Sadit për komunitetet lokale në muajin korrik, ku votuesve iu shpërndanë çorape të bardha sportive me logon e SNS dhe pako me vaj dhe sheqer, raporton nova.rs.

Nuk dihet ende nëse ka kandidatë të pavarur për këto zgjedhje në Rumenci, por dega e partisë padyshim nuk dëshiron të marrë përsipër rreziqe, vazhdon artikulli. “Qeveria ka frikë nga qytetarët sepse nuk punon për përfitimin e tyre, por për partitë, dhe kjo është arsyeja pse kandidatët e pavarur nuk janë të mirëpritur në këshillat e bashkësive lokale”, thotë Bojana Bodrozha, e cila ishte kandidate e pavarur për zgjedhjet lokale në Novi Sad.

Gjithashtu, SNS në Rumenci përsëri shkel ligjin zgjedhor për këshillat e bashkësive lokale duke shpërndarë dhurata me logon e partisë, sipas së cilës specifikohet shumë qartë që vetëm persona privatë mund të kandidojnë për ta, dhe jo partitë.

LAJMET KRYESORE

Të përzgjedhura

Më shumë nga Bota

Më shumë nga Bota

Lajmet e Fundit

Te Fundit