Deputeti Bushati nxjerr dokumentin me firmën e Ramës, e zë ngushtë

Në Komisionin Hetimor për Incerenatorët, deputeti demokrat Helidon Bushati nxorri dokumentin e firmosur nga vetë Rama. Bëhet fjalë për draft-kontratën e koncensionit të Inceneratorit të Elbasanit, botuar në Fletoren zyrtare ku ky draft nuk kishte asnjë logo zyrtare dhe e firmosur nga Edi Rama.

”Kjo është fleta e parë e kontratës së Elbasanit dhe është Republika e Shqipërisë pa stemë, pa asgjë fare dhe është draft-kontratë koncesioni. Kjo është ajo zyrtarja.

Tani kalojmë dhe desha të prek pjesën e estetikës që ju e përmendi dhe mundoheni që ta shprehni pjesën estetike, ju si lider europian a është bukur që emri juaj të jetë tek publikimet zyrtare, përmbi tek një draft kontratë koncesioni?

Një kryeministër të jetë përmbi një draft-koncesioni? Është risi europiane që kryeministri në Fletoren zyrtare të vendit e vendos emrin në një draft kontratë. Turp më të madh sinqerisht nuk ka”.