Duka dhe Sylvinho të ftuar special në festën e Ditës Kombëtare të Brazilit

Sporti E Premte, 29 Shtator 2023 19:18

Presidenti i Federatës Shqiptare të Futbollit, Armand Duka së bashku me trajnerin e Shqipërisë, Sylvinhon ishin dje në pritjen e organizuar nga Ambasada e Brazilit në Shqipëri me rastin e Ditës Kombëtare të Brazilit.

Ata u takuan edhe me ambasadorin e Brazilit në Shqipëri, Joao Tabajara de Oliveira Junior, teksa diskutuan edhe për futbollin shqiptar dhe atë brazilian.

Duka i ka uruar festën e Ditës Kombëtare dhe sa më shumë suksese në të ardhmen.

Postimi i plotë i Dukës:

Një mbrëmje e këndshme në pritjen e organizuar nga Ambasada e Brazilit në Shqipëri me rastin e Ditës Kombëtare të Brazilit.

Së bashku me trajnerin e Kombëtares tonë, Sylvinho dhe ndihmësin e tij, Doriva u takuam me Ambasadorin z. João Tabajara de Oliveira Júnior, me të cilin diskutuam për marrëdhëniet mes dy vendeve tona, por më shumë për futbollin e bukur shqiptar dhe atë brazilian.

I urova Ambasadorit ashtu si edhe dy trajnerëve tanë brazilianë gëzuar festën e Ditës Kombëtare dhe sa më shumë suksese në të ardhmen!